La poesia della settimana: Domenico Tempio

L’ipocrisia è uno dei malanni del genere umano dal quale non si guarisce mai. Micio Tempio lo comprese già due secoli fa e ci ha lasciato i suoi versi per dimostrarlo.
di Piero Buscemi - martedì 13 marzo 2012 - 6326 letture

La futtuta all’inglisa

Nici, mi vinni un nolitu
- di futtiri all’inglisa;
- già sugno infucatissimu:
- guarda chi minchia tisa!

Lu gustu è insuppurtabili,
- li tasti non discordi:
- in chistu modu futtinu
- li nobili milordi.

La sorti è già propizia
- semu suli suliddi;
- stanotti avemu a futtiri
- li gigghia e li capiddi.

A manu a manu curcati;
- lu lettu è già cunzatu,
- non cci haju chiù pacenzia,
- pri mia sugnu spugghiatu.

Veni ccà, figghia! Curcati!
- Spinciti tanticchiedda;
- li to labbruzza dunami,
- dammi nna vasatedda.

Nici, fa prestu; dunami
- sta duci to linguzza;
- ntra la mia vucca trasila,
- facemu la sirpuzza.

Sti cosci toi, sti natichi
- sunnu nna vera tuma;
- li minni su’ dui provuli,
- chiù bianchi di la scuma.

Ma senza tanti chiacchiari,
- futtemu allegramenti;
- non servi accussì perdiri
- st’amabili momenti.

Mettiti a facci all’aria,
- chista è la forma arcana;
- li bianchi cosci gnuttica
- a modu di nna rana.

Supra li mei claviculi
- posa li toi manuzzi,
- e a li mei cianchi strinciti,
- ed iu a li to spadduzzi.

Chi vera matematica!
- Chi calculu profunnu!
- Oh, comu si combacianu
- lu cazzu ccu lu cunnu!

Ma già serruli serruli
- la virga s’introduci,
- e mentri trasi s’eccita
- lu gustu lu chiù duci.

Comu s’abbassa l’utero
- sinu all’imboccatura,
- chi brama di sucarisi
- l’umana rennitura!

Dunca futtemu nsemula,
- iu fricu e tu cazzii;
- fammi sautari all’aria
- finu ca ti nichii.

Va, veni, Nici; baciami,
- cazzia... mi veni... è lestu;
- già mi currumpu, strincimi,
- abbrazza, futti prestu!

Eccu chi cadi sazia
- la minchia a passuluni;
- la testa posa languida
- pri supra li cugghiuni.

Sacciu chi è to lu geniu
- quannu la minchia è muscia!
- Forsi pirchì rallentasi
- a guisa d’una truscia?

Te’, ccu dui jita pigghiala
- e fanni chi nni voi;
- a lu to sticchiu adattala, f
- ricala quantu poi.

Ma già rinviguriscinu
- li musculi e rutturi;
- lu cazzu arreri fulmina
- di futtiri a fururi.

Senza chiù tempu perdiri,
- mettiti arreri a lenza;
- te’, st’autra vota pigghiati
- stu restu di simenza.

Cazzu! Chi beddu futtiri,
- chi gustu prelibatu!
- Chistu è lu veru futtiri:
- l’Inglisi sia lodatu!

Domenico Tempio (Catania, 22 agosto 1750 – Catania, 4 febbraio 1821) fu nu poeta italianu. Nun si canusciunu tanti cosi da so vita, si facìva chiamari Miciu Tempiu. Figghiu d’un mercanti i ligna, Tempiu fu mannatu a studiari n’te parrini e appoi fici studi i leggi, ma nì l’uno nì l’autru argumentu ci n’tirissaru e accussì si misi a studiari a litteratura. Ci piacivanu gli autori classici ma puri chiddi do’ so tempu. Tempiu accuminciàu prestu a scriviri versi e fici furtuna comu poeta. U ficiru trasiri n’ta Accademia i Palladii e n’to salottu litterariu du nobili e amanti i cultura ’Gnaziu Paternò, principi i Biscari.

Si maritàu Francisca Longu, ca murì i partu. A figghia fu crisciuta da na balia, a gnura Catirina, ca divintò a so cumpagna fedele e ci desi n’autru figghiu. Divintàu nutaru do casali i Valcorrente (vicinu o paisi i Belpassu), e campava cu na pensioni do Monti i pietà, manciava a Mensa vescovile e ci pagaunu u sussidiu do Comuni i Catania finu a so morti.

Tempiu fu nu poeta liberu ca pigghiava pò culu i fausi e li ipocrita da società. I so operi cantanu u travagghiu di l’omini, i malaffari da chiesa, l’amuri pa’ natura e l’ignuranza mucciata ca superbia.

Tra i so opiri putemmu ricurdari:
- Operi di Duminicu Tempiu catanisi (1814-1815)
- La Caristia (1848)
- Poesie di Domenico Tempio (1874)

I so poesie erotiche furunu pubblicati n’to Millinovicentuventisei da Raffaeli Corsu e n’to Minovicentusittanta da Vincenzu Di Maria e Santu Calì.


Rispondere all'articolo - Ci sono 0 contributi al forum. - Policy sui Forum -